Жадыбал
Сүрөттөө
“Арабаев – Жети күн”
( тарыхый драма)
Авторлор: Ө. Токтомуратов, Т. Сыдыков, Н. Рыскул кызы
Режиссеру:Н.Мендебаиров
Аннотация
Тарых – так илим, ошону менен бирге татаал илим. Тарых инсандардын тагдырынан куралат. Кыргыз, кыргыз болуп жаралганы кыл чайнашкан, кылыч кайрашкан, бирде өйдө, бирде ылдый далай тагдырды баштан кечирген. Нечен мекенчил, кыргыз деп күйгөн инсандар Ата-Журт үчүн башын байлап, жан таслим болгон...
Заман тогошкон, заман өзгөргөн маалда эл башында болуу, эл тагдырын чечүү маңдайына жазылган, тээ алгачкы кыргыз интеллигенциясынын сап башында турган, кыргыздын алгачкы агартуучусу, кыргыз тилиндеги алгачкы Алиппенин автору, көрүнүктүү мамлекеттик ишмер Ишеналы Арабаевдин аянычтуу да, сыймыктуу да тагдыры, орошон ойго толгон өрнөктүү өмүрү “Арабаев-Жети күн” спектаклинде баяндалат. <Сообщение изменено>