🎭 MBONUS Билет — күн сайын!

MBANK аркылуу MBONUS TICKET иконкасы бар 2 же андан көп билет сатып алсаңыз — бирөө акысыз берилет.

⚡️ Саат 11:00дөн 12:00гө чейин билет алган биринчи кардар белекке ээ болот!

«MBonus Билет» акциясын өткөрүү Эрежелери
ОсОО «Тикет Кей Джи»

ЖАЛПЫ ЖОБО

1.1. ОсОО «Тикет Кей Джи» тарабынан өткөрүлүүчү «MBonus Билет» акциясынын ушул Эрежелери акциянын мөөнөтүн, өткөрүү тартибин жана жеңүүчүлөрдү аныктоо жолун белгилейт (мындан ары – Эрежелер).

1.2. Акциянын аталышы: «MBonus Билет» (мындан ары – Акция).

1.3. Акциянын мөөнөтү: 08.09.2025-жылдан 31.10.2025-жылга чейин.

1.4. Акция өткөрүлүүчү аймак: Кыргыз Республикасы (мындан ары – КР).

1.5. Акциянын уюштуруучусу — ОсОО «Тикет Кей Джи» (мындан ары – Уюштуруучу).

1.6. Акция ОАО «Мбанк» кардарлары болуп эсептелген жана MBANK мобилдик колдонмосунун колдонуучулары болгон бардык физикалык жактар үчүн өткөрүлөт.

1.7. Акция Кыргыз Республикасынын мыйзамдарына жана ушул Эрежелерге ылайык өткөрүлөт.

1.8. Акциянын катышуучулары боло албайт: Уюштуруучунун кызматкерлери, байланышкан жактар жана жакын туугандар, ошондой эле Акцияны уюштурууга тиешеси бар адамдар.

1.9. Уюштуруучу ушул Эрежелерге каалаган убакта өзгөртүүлөрдү киргизүү укугун өзүнө калтырат. Катышуучулар өзгөрүүлөрдү өз алдынча көзөмөлдөөгө милдеттүү.

1.10. Акцияга катышуу менен ар бир катышуучу ушул Эрежелер менен толук таанышканын жана бардык шарттарга жана жоболорго чектөөсүз жана каршылыксыз макул экенин тастыктайт.

1.11. Акция – бул Уюштуруучу тарабынан жүргүзүлгөн, Кыргыз Республикасынын мыйзамдарына каршы келбеген аракет, Банктын продуктуларына жана кызматтарына кызыгууну арттырууга, колдонуучулардын активдүүлүгүн көбөйтүүгө, жаңы кардарларды тартууга жана учурдагы кардарларды активдүү пайдаланууга шыктандырууга багытталган.

ЭРЕЖЕЛЕРДЕ КОЛДОНУЛГАН ТҮШҮНҮКТӨР

2.1. Акциянын катышуучулары – ОАО «Мбанк» кардарлары болуп эсептелген жана MBANK мобилдик тиркемесинин колдонуучулары, МТикет платформасы аркылуу иш-чараларга билет сатып алуучулар.

2.2. МТикет (MTicket) – MBANK мобилдик тиркемесинин ичинде вебвью форматында жеткиликтүү иш-чараларга билет сатып алуу платформасы.

2.3. MBonus Билет – Акциянын жеңүүчүсүнө берилүүчү бекер билет.

2.4. «Бактылуу саат» – Уюштуруучу тарабынан белгиленген убакыт аралыгы, анын ичинде «MBonus Билетин» алууга мүмкүнчүлүк берилет. Азыркы этапта «Бактылуу саат» күн сайын Бишкек убактысы боюнча саат 11:00дөн 12:00гө чейин өткөрүлөт.

2.5. Акциянын жеңүүчүсү – «Бактылуу сааттын» алкагында «MBonus Билетин» алуу шарттарын биринчи болуп аткарган колдонуучу.

2.6. MBANK мобилдик тиркемеси – ОАО «Мбанк» тарабынан кардарларга банктык жана өнөктөштүк кызматтарды, анын ичинде МТикет аркылуу билет сатып алуу мүмкүнчүлүгүн сунуш кылган тиркеме.

2.7. Акцияга катышкан иш-чаралар — булар атайын «MBonus Билет» иконкасы менен белгиленген иш-чаралар. Ушул иш-чараларга билет сатып алганда, ушул акциянын алкагында акысыз билет алуу мүмкүнчүлүгү берилет.

АКЦИЯНЫН ШАРТТАРЫ

3.1. Акциянын катышуучусу – МТикет веб-тиркемеси аркылуу «MBonus Билет» белгиси бар иш-чарага эки же андан көп билет сатып алган MBANK мобилдик тиркемесинин колдонуучусу.

3.2. Бонус билеттери «Бактылуу саатта» гана жеткиликтүү – күн сайын 11:00дөн 12:00гө чейин.

3.3. Ар бир «Бактылуу саатта» бекер MBonus билетин алгачкы болуп эки же андан көп билет сатып алган колдонуучу алат.

3.4. Билеттер Себетке кошулган учурдан тартып 30 мүнөттүн ичинде аякташы керек. Ушул мөөнөттөрдн ашса, бекер билет жокко чыгарылат.

3.5. Бонус билети төлөм ийгиликтүү аяктагандан кийин гана күчүнө кирет. Эгерде сатып алуу белгиленген убакытта аяктабаса, бонус билети системага кайтарылат жана кийинки «Бактылуу саатта» кайра жеткиликтүү болот.

3.6. Бонус билет берилген учурда, колдонуучу интерфейсте тиешелүү белги/билдирүү көрөт, ал эми буйрутманын жалпы суммасы автоматтык түрдө бекер билет эске алынуу менен кайра эсептелет.

3.7. Акцияга МТикет интерфейсинде «MBonus Билет» белгиси бар иш-чаралар гана катышат.

МААЛЫМАТ БЕРҮҮ ТАРТИБИ

4.1. Акция жөнүндө маалымат MBANK тиркемесинде, МТикет платформасында, https://mbank.kg сайтында жана Уюштуруучунун башка расмий каналдарында жайгаштырылат.

4.2. Бонус билет алган колдонуучу буйрутма берүү учурунда МТикет интерфейсинде тиешелүү визуалдык эскертмени көрөт.

ДАГЫ ШАРТТАР

5.1. Уюштуруучу алдамчылык фактылары же Эрежелерди бузуу аныкталганда катышууну жокко чыгарууга укуктуу.

5.2. Уюштуруучу өзүнө көз каранды эмес жагдайлардан улам келип чыккан техникалык мүчүлүштүктөр үчүн жооп бербейт.

5.3. Бардык талаш маселелер ушул Эрежелердин негизинде жана Кыргыз Республикасынын колдонуудагы мыйзамдарына ылайык чечилет.